നടി അക്രമിക്കപ്പെട്ട സംഭവത്തില് പ്രമുഖമാധ്യമ ടി എം ഹര്ഷന്റെ ഫേസ്ബുക്ക് പോസ്റ്റ് വൈറലാകുന്നു. ആക്രമിക്കപ്പെട്ട നടി തന്നെ കുഴപ്പക്കാരിയാണെന്നു ചിത്രകരിക്കാനുള്ള ദിലീപ്, സലീം കുമാര്, നാദിര്ഷ, അജു വര്ഗീസ് എന്നിവരുടെ ശ്രമം കണ്ടാല് മതി ഇവര് മരയൂളകളുടെ സംഘമാണെന്ന് മനസിലാക്കാന് എന്നു ഹര്ഷന് പറയുന്നു. എന്തിനായിരിക്കും ദിലീപ് ആ നടിയെ പിന്നെയും അധിക്ഷേപിക്കുന്നതെന്നും ഹര്ഷന് ചോദിക്കുന്നു. ഹര്ഷന്റെ ഫേസ്ബുക്ക് പോസ്റ്റ് ഇങ്ങനെ.
# ആക്രമിയ്ക്കപ്പെട്ട നടിതന്നെയാണ് കുഴപ്പക്കാരിയെന്നും അവരുടെ ചീത്ത കൂട്ടുകെട്ടുകളാണ് ലൈംഗികപീഡനമുണ്ടാവാന് കാരണമെന്നും ആക്ഷേപിച്ച് സ്ഥാപിച്ചെടുക്കാന് നടന് ദിലീപ് റിപ്പോര്ട്ടര് ന്യൂസ് നൈറ്റില് നടത്തിയ വൃത്തികെട്ട ശ്രമം..,
# ആക്രമിയ്ക്കപ്പെട്ട നടിയെ നുണപരിശോധനയ്ക്ക് വിധേയയാക്കണം’ എന്ന ദിലീപിന്റെ നന്പന് സലിം കുമാറിന്റെ സ്ത്രീവിരുദ്ധവും മനുഷ്യത്വമില്ലാത്തതുമായ പരാമര്ശം..,
# ആക്രമിയ്ക്കപ്പെട്ട നടിയോട് ഐക്യപ്പെട്ട മലയാളസിനിമയിലെ മനുഷ്യത്വം നശിയ്ക്കാത്ത ഒരു വലിയ വിഭാഗത്തെ സംശയത്തിലാക്കാന് ദിലീപിന്റെ പങ്കാളി നാദിര്ഷാ നടത്തുന്ന കുത്സിതശ്രമം..,
# കേസന്വേഷണം നിര്ണായക ഘട്ടത്തിലായിരിയ്ക്കെ നടിയുടെ പേര് ആവര്ത്തിച്ചുവെളിപ്പെടുത്തി അവരെ സമ്മര്ദ്ദത്തിലാക്കാന് ദിലീപിന്റെ ശിങ്കിടി അജു വര്ഗ്ഗീസ് പ്രയോഗിച്ച ക്രിമിനല് ബുദ്ധി.
ഇത്രയും മതി ഇവര് മരയൂളകളുടെ ഒരു സംഘമാണെന്ന് ഉറപ്പിയ്ക്കാന്.
ദിലീപാണ് ആക്രമണത്തിനുപിന്നിലെന്ന് ആരും ആരോപിച്ചിട്ടില്ല.പക്ഷേ ആരാണ് ആക്രമിയ്ക്കപ്പെട്ട നടിയെ ആര്ക്കും ആക്രമിയ്ക്കാവുന്ന പരുവത്തിലാക്കിയത് എന്ന കാര്യം ചര്ച്ച ചെയ്യപ്പെടണ്ടേ.?
സിനിമയില് തകര്ക്കാന് ശ്രമിച്ചവരുണ്ടെന്നും അവരല്ലാതെ വേറെ ശത്രുക്കളില്ലെന്നും ആക്രമിയ്ക്കപ്പെട്ട നടി ആവര്ത്തിയ്ക്കുമ്ബോള് അതാരൊക്കെയാണെന്ന് അന്വേഷിയ്ക്കേണ്ടതില്ലേ..?
പള്സര് സുനി ക്രിമിനലാണ്,
അതുകൊണ്ടുതന്നെ അവന് വെളിപ്പെടുത്തുന്നതൊക്കെ തൊണ്ടതൊടാതെ വിഴുങ്ങാന്മാത്രം വിഡ്ഢികളല്ല കേരളത്തിലെ പോലീസ്.
പക്ഷേ അവന് നടത്തുന്ന വെളിപ്പെടുത്തലിന്റെ സാധ്യതയും വസ്തുതയും പരിശോധിയ്ക്കപ്പെടേണ്ടതല്ലേ..?
കുറഞ്ഞ പക്ഷം ദിലീപിനെ നാട്ടുകാര് സംശയിക്കാതിരിയ്ക്കാനെങ്കിലും ആ അന്വേഷണം സഹായിക്കില്ലേ..?
ചെയ്യാത്ത കുറ്റത്തിന് ആരോപണവിധേയനാവേണ്ടിവരിക സങ്കടകരമാണ്.പക്ഷേ അങ്ങനൊരവസ്ഥയില്പ്പെട്ട ആള്ക്കുപോലും ആക്രമിയ്ക്കപ്പെട്ട ആളെ അപഹസിയ്ക്കാനും ആക്ഷേപിയ്ക്കാനും ഒരവകാശവുമില്ല.
അതറിയാത്ത ആളൊന്നുമല്ല ദിലീപ്.
പിന്നെന്തിനായിരിയ്ക്കും ദിലീപ് ആ നടിയെ പിന്നെയും അധിക്ഷേപിയ്ക്കുന്നത്.?
അവര് മിത്രങ്ങളല്ലെന്നുമാത്രമല്ല, ശത്രുക്കളാണ് എന്നതാണ് ഉത്തരം.
മലയാളസിനിമയെയും,
പേരില്മാത്രം അമ്മയുടെ കരുതല് പേറുന്ന അവരുടെ സംഘടനയെയും വിരല്ത്തുമ്ബില് നിര്ത്തുന്ന ദിലീപിന്റെ ശത്രു സ്വാഭാവികമായും ഒരു സോഫ്റ്റ് ടാര്ഗറ്റാണെന്ന് തിരിച്ചറിയാന് പള്സര് സുനിയെപ്പോലുള്ള ഒരു ക്രിമിനലിന്റെ തലച്ചോറിന് അധികം മെനക്കെടേണ്ടിവരില്ല.
ആ യാഥാര്ത്ഥ്യം ചര്ച്ച ചെയ്യപ്പെട്ട സൂപ്പര് െ്രെപം ടൈമിന്റെ അവതാരകനായ വേണുവിനെ ഫ്ലൂട്ടെന്ന് വിളിച്ച് ആക്രമിയ്ക്കാനും വളിച്ചുകുഴഞ്ഞ വായ്ത്താളം നടത്താനും വിശദമായ അഭിമുഖം തന്നെ മനോരമ ഓണ്ലൈനില് ‘സൃഷ്ടിച്ച’ പുലിയത്രേ ദിലീപ്.
ആരാണ് നടിയെ മലയാളസിനിമയില്നിന്ന് പുറത്താക്കാനും അവരുടെ അവസരങ്ങള് തട്ടിത്തെറിപ്പിയ്ക്കാനും ശ്രമിച്ചതെന്നും അയാള്ക്ക് ആക്രമണത്തില് പങ്കുണ്ടോ എന്നും ചര്ച്ചയാവുകതന്നെ ചെയ്യും, അക്കാര്യത്തില് ഒരു സംശയവും വേണ്ട.
ദിലീപേ.
ഒരു സ്ത്രീ.അവരാരുമാവട്ടെ.,
നടിയോ വിദ്യാര്ത്ഥിയോ ഡോക്ടറോ കൂലിപ്പണിക്കാരിയോ ആരുമാവട്ടെ.
അവര് ആക്രമിയ്ക്കപ്പെടുന്നു,
ലൈംഗികമായി പീഡിപ്പിയ്ക്കപ്പെടുന്നു.
അസാമാന്യമായ ധീരതയോടെ ‘ഞാന് ആക്രമിയ്ക്കപ്പെട്ടിരിയ്ക്കുന്നു’ എന്ന് വിളിച്ചുപറയാന് തയ്യാറാവുകയും അക്രമികളെ ചൂണ്ടിക്കാട്ടുകയും ചെയ്യുന്ന ആ സ്ത്രീ ഈ സമൂഹത്തില് ചില ഇളക്കിപ്പണികള് നടത്തിയിട്ടുണ്ട്.
ഇവിടെ നമുക്കറിയാവുന്ന ആ യുവതി ഇടറാതെ നടത്തിയ ഇടപെടലിന്റെ ആഴവും കരുത്തും മനസ്സിലാവാന് പിന്നീട് നടി പാര്വ്വതി പറഞ്ഞത് ഓര്ത്താല് മതിയാകും.പുതുതലമുറയില് അഭിനയത്തിലൂടെയും ആര്ജ്ജവത്തിലൂടെയും പേരുകേട്ട പാര്വ്വതിയ്ക്ക് പോലും ‘മുമ്ബ് ഞാനും ഇതുപോലെ ആക്രമിയ്ക്കപ്പെട്ടിരുന്നു’ എന്ന് വെളിപ്പെടുത്താന് ദിലീപ് പറഞ്ഞ ആ ‘ചീത്തക്കുട്ടിയുടെ’ ധീരതയുടെ തണല് വേണ്ടിവന്നു.
അതുകൊണ്ട് ഒന്നടങ്ങ്.
ദിലീപ് പ്രതിയാണെന്ന് ആരും ആരോപിച്ചിട്ടില്ല,ദിലീപ് പ്രതിയാവില്ലെന്നും ഇപ്പോള് പറയുന്നില്ല. പക്ഷേ അന്വേഷണത്തിന്റെ തുടര്ച്ചയില് നടിയുടെ ശത്രുവിനെക്കുറിച്ചുള്ള സംസാരം സ്വാഭാവികമായും ഉയരും.
അയാള്ക്ക് പങ്കാളിത്തമുണ്ടെന്ന് വെളിപ്പെടുത്തലുണ്ടായാല് അതും ചര്ച്ചയാകും.അതിനോടൊക്കെ രാഷ്ട്രീയമായ ശരികേടോ വിവരക്കേടോ ഒക്കെ ആയുധമാക്കി പോരിനിറങ്ങുന്നത് കാലം പൊറുക്കാത്ത പ്രവര്ത്തിയാണ്.
……
ഇതിനിടെ ഞാം എന്നോട് തന്നെ :
ആരോടാടാ മലരേ നീയിതൊക്കെപ്പറേന്നത്..?
ഇമ്മാരോടോ.! ആ.ബെസ്റ്റ്..
പോയി വല്ല പണീം ചെയ്യെട
