കോഴിക്കോട് മെഡിക്കല് കോളജില് പ്രസവശസ്ത്രക്രിയയ്ക്കിടെ വയറ്റില് കത്രിക കുടുങ്ങിയ ഹര്ഷിന വീണ്ടും സമരത്തിലേക്ക്. ഇന്ന് സെക്രട്ടേറിയറ്റിന് മുന്നില് നടത്തുന്ന സത്യഗ്രഹസമരം പ്രതിപക്ഷ നേതാവ് വി ഡി സതീശന് ഉദ്ഘാടനം ചെയ്യും. താന് വലിയ ആരോഗ്യപ്രശ്നമാണ് അനുഭവിക്കുന്നതെന്നും തുടര് ചികിത്സ സര്ക്കാര് ഉറപ്പാക്കണമെന്നുമാണ് ഹര്ഷിനയുടെ ആവശ്യം.
ചികിത്സാപ്പിഴവിനെ തുടര്ന്ന് താന് ഇപ്പോഴും അനുഭവിച്ചുവരുന്ന ആരോഗ്യപ്രശ്നങ്ങള്ക്കും വേദനയ്ക്കും നഷ്ടപരിഹാരം നല്കണമെന്നും സര്ക്കാര് തന്റെ തുടര് ചികിത്സ ഉറപ്പാക്കണമെന്നുമാണ് ബഹര്ഷിനയുടെ ആവശ്യം. രാവിലെ 10 മണിക്കാണ് സമരത്തിന്റെ ഉദ്ഘാടനം നടക്കുക. 2017 നവംബര് 30 ന് കോഴിക്കോട് മെഡിക്കല് കോളജില് വെച്ച് നടത്തിയ മൂന്നാമത്തെ പ്രസവശസ്ത്രക്രിയക്കിടെയാണ് ഹര്ഷിനയുടെ വയറ്റില് കത്രികകുടുങ്ങിയത്.
