വാഷിംഗ്ടണ് ഡിസി: അമേരിക്കന് പ്രസിഡന്റ് തെരഞ്ഞെടുപ്പിനുള്ള നടപടിക്രമങ്ങള് പുരോഗമിക്കവേ ഡോണള്ഡ് ട്രംപിന്റെ അടുത്ത കാമ്ബയിന് ജൂലൈ 11ന് നടക്കും. അദ്ദേഹത്തിന്റെ തെരഞ്ഞെടുപ്പ് കാമ്ബയിന് ചുമതലയുള്ള ടീമാണ് ഇക്കാര്യം അറിയിച്ചത്. പോര്ട്സ്മൗത് പ്രദേശത്തായിരിക്കും പരിപാടി നടക്കുക.
ചടങ്ങില് സംബന്ധിക്കുന്ന മുഴുവന് ആളുകള്ക്കും സാനിറ്റൈസറും മാസ്കും വിതരണം ചെയ്യുമെന്നും കോവിഡ് പ്രോട്ടക്കോള് പാലിച്ചായിരിക്കും പരിപാടി നടക്കുകയെന്നും അധികൃതര് വ്യക്തമാക്കി. ഇതിനു മുന്പ് നടന്ന റാലിയുമായി ബന്ധപ്പെട്ട് ആറു പേര്ക്ക് കോവിഡ് സ്ഥിരീകരിച്ചിരുന്നു. 25ലേറെ സുരക്ഷാ ഉദ്യോഗസ്ഥരോട് ക്വാറന്റൈനില് പോകാനും ആവശ്യപ്പെട്ടിരുന്നു.
