കൊച്ചി: ടി പി ചന്ദ്രശേഖരന് വധക്കേസില് ജയില്ശിക്ഷ അനുഭവിക്കുന്ന പതിമൂന്നാം പ്രതി പി കെ കുഞ്ഞനന്തന് ചട്ടങ്ങള് മറികടന്ന് പരോള് അനുവദിച്ചു എന്നുള്ള ഹര്ജി ഹൈക്കോടതി ഇന്ന് വീണ്ടും പരിഗണിക്കും. കൊല്ലപ്പെട്ട ടിപി ചന്ദ്രശേഖരനെ ഭാര്യ കെ കെ രമയാണ് ഹൈക്കോടതിയെ സമീപിച്ചത്.
ചികിത്സയുടെ പേരില് പരോള് വാങ്ങി കുഞ്ഞനന്തന് പാര്ട്ടി പരിപാടികളില് പങ്കെടുക്കുകയാണ് എന്നാണ് കെ കെ രമയുടെ ഹര്ജി. അസുഖത്തിന്റെ പേരില് പി കെ കുഞ്ഞനന്തനെ അനധികൃതമായി സര്ക്കാര് പരോള് അനുവദിച്ചു എന്നാണ് രേഖാമൂലം രമ കോടതിയെ ബോധിപ്പിച്ചത്. ഹര്ജി നേരത്തെ പരിഗണിച്ച കോടതി അസുഖം ഉണ്ടെങ്കില് പരോളല്ല ഉപാധി എന്നും സര്ക്കാര് ചികിത്സ നല്കുകയാണ് വേണ്ടതെന്നും ചൂണ്ടിക്കാട്ടിയിരുന്നു.