വനിതാ ടി 20 ലോകകപ്പില് ഇന്ത്യയ്ക്ക് തുടര്ച്ചയായ രണ്ടാം വിജയം. വെസ്റ്റ് ഇന്ഡീസിനെ ആറു വിക്കറ്റിനാണ് ഇന്ത്യ തോല്പ്പിച്ചത്.119 റണ്സ് വിജയലക്ഷ്യം 11 പന്തുകള് ബാക്കിനില്ക്കേയാണ് ഇന്ത്യ മറികടന്നത്. വെസ്റ്റ് ഇന്ഡീസ് 20 ഓവറില് ആറിന് 118, ഇന്ത്യ18.1 ഓവറില് നാലിന് 119 സ്കോര് നേടി. പുറത്താവാതെ 44 റണ്സെടുത്ത റിച്ച ഘോഷാണ് ഇന്ത്യയുടെ വിജയശില്പ്പി.
വിന്ഡീസ് ഉയര്ത്തിയ 119 റണ്സ് വിജയലക്ഷ്യത്തിലേക്ക് മറുപടി ബാറ്റിങ് ആരംഭിച്ച ഇന്ത്യയുടെ തുടക്കം തകര്ച്ചയോടെയായിരുന്നു. എന്നാല് ഹര്മന്പ്രീത് കൗറും വിക്കറ്റ് കീപ്പര് റിച്ച ഘോഷും നാലാം വിക്കറ്റില് 72 റണ്സിന്റെ കൂട്ടുകെട്ട് ഉര്ത്തി വിജയത്തിലേക്ക് നയിച്ചു. റിച്ച ഘോഷ് 32 പന്തുകളില് നിന്ന് പുറത്താവാതെ 44 റണ്സെടുത്തു.
ആദ്യം ബാറ്റുചെയ്ത വെസ്റ്റ് ഇന്ഡീസ് നിശ്ചിത ഓവറില് അഞ്ചുവിക്കറ്റ് നഷ്ടത്തില് 118 റണ്സെടുത്തു. 40 പന്തുകളില് നിന്ന് 42 റണ്സെടുത്ത സ്റ്റെഫാനി ടെയ്ലറാണ് വിന്ഡീസ് നിരയിലെ ടോപ് സ്കോറര്. 30 റണ്സെടുത്ത ഷെമാനി ക്യാംബെല്ലെയും മികച്ച പ്രകടനം പുറത്തെടുത്തു. ഇതോടെ ഇന്ത്യ സെമി ഫൈനല് സാധ്യകതള് സജീവമാക്കി. ആദ്യ മത്സരത്തില് ഇന്ത്യ പാകിസ്താനെ ഏഴുവിക്കറ്റിനായിരുന്നു തകര്ത്തത്.
