സംസ്ഥാനത്ത് ഇന്ന് കൂടി വ്യാപക മഴയ്ക്ക് സാധ്യത.ഒറ്റപ്പെട്ടയിടങ്ങളിൽ വ്യാപക മഴയ്ക്ക് സാധ്യതയുള്ളതിനാൽ എട്ട് ജില്ലകളില് ഇന്ന് യെലോ അലര്ട്ട് പ്രഖ്യാപിച്ചു. ആലപ്പുഴ മുതല് തൃശൂര് വരേയും മലപ്പുറം, കോഴിക്കോട്, കണ്ണൂര് ജില്ലകളിലുമാണ് യെല്ലോ അലേര്ട്ട് പ്രഖ്യാപിച്ചിട്ടുള്ളത്.
ആന്ധ്രയിലെ റായല്സീമയ്ക്ക് മുകളിലായുള്ള ചക്രവാതച്ചുഴിയുടെ സ്വാധീനം തുടരുന്നതിനാലാണ് കേരളത്തിലും മഴ പ്രതീക്ഷിക്കുന്നത്. ഇതിന് പുറമേ തെക്ക് പടിഞ്ഞാറന് കാറ്റിന്റെ സ്വാധീന ഫലമായി കാലവര്ഷത്തിന് മുന്നോടിയായുള്ള മഴയും ഈ ദിവസങ്ങളില് ലഭിക്കും. എന്നാല് ഇന്നത്തോടെ മഴയുടെ ശക്തി കുറയുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്.