കെ സുധാകരന്റെ ആര് എസ് എസ് അനകൂല പരാമര്ശം അതീവ ഗൗരവമുള്ളതെന്ന് പ്രതിപക്ഷ നേതാവ് വി ഡി സതീശന്. അദ്ദേഹത്തിന്റെ ഇന്നലത്തെ പരാമര്ശം പുറത്ത് വന്ന ഉടനെ തന്നെ കോണ്ഗ്രസിലെ മുതിര്ന്ന നേതാക്കളുമായി കൂടിയാലോചന നടത്തിയതായും വി ഡിസതീശന് പറഞ്ഞു. തന്റെ നാക്കുപിഴയാണ് ഈ പരാമര്ശമെന്നു സുധാകരന് വ്യക്തിമാക്കിയതായും സതീശന് പറഞ്ഞു.
തുടരെ തുടരെ ഇത്തരം പരാമര്ശങ്ങള് ഉണ്ടാകുന്നതെങ്ങിനെയെന്ന് അന്വേഷിക്കും. നെഹ്റുവിയന് നയങ്ങളില് അടിയുറച്ച് മുന്നോട്ട് പോകുമെന്നാണ് ശിന്തിന് ശിവറില് പാര്ട്ടി കൈക്കൊണ്ട തിരുമാനം . അതിനെതിരെ ആര് നിന്നാലും അത് അംഗീകരിക്കാന് കഴിയില്ലന്നും വി ഡി സതീശന് പറഞ്ഞു. ഈ വിഷയം യു ഡി എഫിനെ ഒന്നാകെ ബാധിക്കുന്ന തരത്തില് ഗൗരവമുള്ളതാണ്. അത് കൊണ്ട് തന്നെ ഇതിനെ ആരും ന്യായീകരിക്കുന്നില്ല.
