കൊച്ചിയില്‍ ട്രാന്‍സ്‌ജെന്‍ഡറിനെ മരിച്ച നിലയില്‍ കണ്ടെത്തി. ഇടപ്പള്ളിയിലാണ് സംഭവം. ട്രാന്‍സ്‌ജെന്‍ഡര്‍ ശ്രദ്ധയാണ് മരിച്ചത്. പോണേക്കരയിലെ താമസ സ്ഥലത്ത് മരിച്ച നിലയില്‍ കണ്ടെത്തുകയായിരുന്നു.
ഇന്ന് രാവിലെ സുഹൃത്തുകള്‍ മുറിയിലെത്തിയപ്പോഴാണ് ശ്രദ്ധയെ മരിച്ച നിലയില്‍ കണ്ടെത്തിയത്. ശ്രദ്ധയുടേത് ആത്മഹത്യയാണെന്ന നിഗനമനത്തിലാണ് പൊലീസ്. സംഭവത്തില്‍ വിശദമായ അന്വേഷണം നടത്തും. കൊല്ലം സ്വദേശിനിയാണ് ശ്രദ്ധ.
രണ്ട് മാസം മുമ്പ് ട്രാന്‍സ്‌ജെന്‍ഡര്‍ ആക്ടിവിസ്റ്റ് അനന്യ കുമാരി അലക്‌സ് ആത്മഹത്യ ചെയ്തത് വലിയ വാര്‍ത്തയായിരുന്നു. ലിംഗമാറ്റ ശസ്ത്രക്രിയയിലെ പിഴവിനെ തുടര്‍ന്നാണ് അനന്യ കുമാരി ആത്മഹത്യ ചെയ്തത്. അനന്യയുടെ ആത്മഹത്യയ്ക്ക് പിന്നാലെ പങ്കാളി ജിജുവിനെയും മരിച്ച നിലയില്‍ കണ്ടെത്തിയിരുന്നു.
