പാലക്കാട് ശ്രീനിവാസന് വധക്കേസില് എന് ഐ എ അന്വേഷണം റദ്ദാക്കണമെന്ന പ്രതികളുടെ ആവശ്യം ഇന്ന് ഹൈക്കോടതി പരിഗണിക്കും. എന് ഐ എ അന്വേഷണം റദ്ദാക്കണമെന്ന് ആവശ്യപ്പെട്ട് പ്രതികള് ഹൈക്കോടതിയില് ഹര്ജി നല്കിയിരുന്നു. ഈ ഹര്ജി ഇന്ന് പരിഗണിക്കാമെന്നാണ് ഹൈക്കോടതി വ്യക്തമാക്കിയിട്ടുള്ളത്. എന് ഐ എക്ക് കേസ് കൈമാറിയ ഉത്തരവ് നിയമ വിരുദ്ധമാണെന്നാണ് പ്രതികളുടെ വാദം.
കരമ അഷ്റഫ് മൗലവി അടക്കം കേസിലെ 10 പ്രതികളാണ് കോടതിയെ സമീപിച്ചിരിക്കുന്നത്.യു എ പി എ പ്രകാരമുള്ള കുറ്റങ്ങളൊന്നും കേസില് ഇല്ലെന്നതാണ് പ്രതികള് പ്രധാനമായും ചൂണ്ടികാണിച്ചിട്ടുള്ളത്. എന് ഐ എ നടപടി രാഷ്ട്രീയ ലക്ഷ്യത്തോടെയെന്നും പ്രതികള് ഹര്ജിയില് പറയുന്നുണ്ട്. അന്തിമ കുറ്റപത്രം നല്കിയ കേസ് എന് ഐ എ ഏറ്റെടുത്തത് നിയമവിരുദ്ധമാണ്. സെഷന്സ് കോടതിയിലെ ഫയലുകള് എന് ഐ എ കോടതിയിലേക്ക് മാറ്റിയതും ചട്ടപ്രകാരമല്ലെന്നും പ്രതികളുടെ ഹര്ജിയില് പറയുന്നുണ്ട്.
