വായ്പക്ക് അപേക്ഷ നല്കിയ യുവതിയോട് ലൈംഗിക ചുവയോടെ സംസാരിച്ച സിപിഎം നേതാവിന് സസ്പെന്ക്ഷന്. പിണറായി ഫാര്മേഴ്സ് കോ ഓപ്പറേറ്റീവ് ബാങ്ക് സെക്രട്ടറി നിഖില് നരങ്ങോലിയെയാണ് ഒരുവര്ഷത്തേക്ക് പാര്ട്ടിയില് നിന്ന് സസ്പെന്ഡ് ചെയ്തത്.
ധര്മടം അണ്ടല്ലൂര് കിഴക്കുംഭാഗം സിപിഎം ബ്രാഞ്ച് സെക്രട്ടറിയായിരുന്നു നിഖില്. സംഭവത്തില് പ്രതിഷേധവുമായി യുവതി രംഗത്തെത്തിയതോടെ ബാങ്ക് ഇയാള്ക്കെതിരെ നടപടിയെടുത്തിരുന്നു. പാര്ട്ടിയുടെ യശസ്സിന് കളങ്കമുണ്ടാക്കുംവിധം പ്രവര്ത്തിച്ചുവെന്ന് ചൂണ്ടിക്കാട്ടിയാണ് സി.പി.എം ജില്ല കമ്മിറ്റി നടപടിയെടുത്തത്. പരാതി നല്കിയ യുവതിയും പാര്ട്ടി പ്രവര്ത്തകയാണ്.
വായ്പ അപേക്ഷ നല്കിയതിനുപിന്നാലെ നിഖില് യുവതിയെ രാത്രി ഫോണില് വിളിക്കുകയും ലൈംഗിക ചുവയോടെ സംസാരിക്കുകയും ചെയ്തു എന്നാണ് പരാതി. വാട്സ്ആപ്പിലും നിരന്തരം സന്ദേശങ്ങള് അയച്ച് ശല്യപ്പെടുത്തി. ശല്യം അസഹ്യമായതോടെ യുവതി ബന്ധുക്കളെയും കുട്ടി ബാങ്കിലെത്തി സെക്രട്ടറിയെ പരസ്യമായി ചോദ്യം ചെയ്തിരുന്നു. നടപടിയെടുത്തില്ലെങ്കില് സൊസൈറ്റിക്ക് മുന്നില് നിരാഹാരമിരിക്കുമെന്ന് പ്രസിഡന്റിന് മുന്നറിയിപ്പ് നല്കുകയും ചെയ്തു.
