പുലി പല്ല് കൈമാറിയത് രഞ്ജിത്ത് എന്നയാള് എന്ന് റാപ്പര് വേടന്റെ മൊഴി. ചെന്നൈയില് വച്ചാണ് കൈമാറിയത്. ഇയാള് മലേഷ്യയില് സ്ഥിരതാമസക്കാരനാണെന്നും പറഞ്ഞു. വേടന്റെ മൊഴി വനം വകുപ്പ് വിശദമായി എടുത്തു. കഴിഞ്ഞ വര്ഷമാണ് കൈമാറിയതെന്ന മൊഴിയും പൊലീസിന് നല്കിയിട്ടുണ്ട്. ഇയാളെ കേന്ദ്രീകരിച്ചുള്ള അന്വേഷണവും നടക്കും. ഇയാള്ക്ക് ഇത് എവിടെ നിന്ന് കിട്ടി എന്നതടക്കം അന്വേഷിക്കുമെന്നാണ് വിവരം.
കേസ് അതീവ ഗൗരവമായിത്തന്നെയാണ് വനം വകുപ്പ് കാണുന്നത്. ഈ പശ്ചാത്തലത്തിലാണ് ഇന്നലെ രാത്രി തന്നെ ഇയാള്ക്കെതിരെ കേസെടുത്ത് കസ്റ്റഡിയില് വാങ്ങാനുള്ള തീരുമാനമെടുത്തത്. ഇന്നലെ നടത്തിയ പ്രാഥമിക ചോദ്യം ചെയ്യലിലാണ് പുലിപ്പല്ല് എവിടെ നിന്ന് ലഭിച്ചുവെന്ന ചോദ്യത്തിന് വേടന് മറുപടി നല്കിയത്.
