അക്ഷയ് കുമാര് പ്രധാന വേഷത്തിലെത്തുന്ന ‘ദി ഗ്രേറ്റ് ഇന്ത്യൻ റെസ്ക്യൂ’വിന്റെ റിലീസ് ഡേറ്റ് പ്രഖ്യാപിച്ചു.2023 ഒക്ടോബര് അഞ്ചിന് ചിത്രം തിയേറ്ററുകളിലെത്തും. ടിനു സുരേഷ് ദേശായിയാണ് ചിത്രം സംവിധാനം ചെയ്യുന്നത്.
പരിനീതി ചോപ്രയും ചിത്രത്തില് പ്രധാന വേഷത്തിലെത്തുന്നുണ്ട്. 2019-ല് പുറത്തിറങ്ങിയ ‘കേസരി’ക്ക് ശേഷം അക്ഷയ് കുമാറും പരിനീതി ചോപ്രയും വീണ്ടും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്.മൈനിങ് എൻജിനിയറായ ജസ്വന്ത് സിങ് ഗില്ലിന്റെ ജീവിതം ആസ്പദമാക്കി ഒരുക്കുന്ന ചിത്രമാണ് ‘ദി ഗ്രേറ്റ് ഇന്ത്യൻ റെസ്ക്യൂ’.
1989-ല് പശ്ചിമ ബംഗാളില് വെള്ളപ്പൊക്കമുണ്ടായ ക്വാറിയില് നിന്ന് 64 ഖനിത്തൊഴിലാളികളെ രക്ഷപ്പെടുത്തിയ ആളാണ് ജസ്വന്ത് സിങ്. ധീരതയ്ക്കുള്ള നിരവധി പുരസ്കാരങ്ങള് അദ്ദേഹം സ്വന്തമാക്കിയിരുന്നു. 2019-ല് 80-ാം വയസില് ജസ്വന്ത് സിങ് ഗില് മരണപ്പെട്ടു.രവി കിഷൻ, രാജേഷ് ശര്മ്മ, പവൻ മല്ഹോത്ര എന്നിവരും ചിത്രത്തിലുണ്ട്. വാഷു ഭഗ്നാനി, ദീപ്ശിഖ ദേശ്മുഖ്, ജാക്കി ഭഗ്നാനി, അജയ് കപൂര് എന്നിവര് ചേര്ന്നാണ് ചിത്രം നിര്മിക്കുന്നത്.
