ഗുസ്തി താരങ്ങൾ നൽകിയ പരാതി പരിഗണിച്ച് മുൻ ഗുസ്തി ഫെഡറേഷൻ പ്രസിഡന്റും ബി ജെ പി എം പിയുമായ ബ്രിജ് ഭൂഷൺ ശരൺ സിങ്ങിനെതിരെ കോടതി. ബ്രിജ് ഭൂഷനോട് നേരിട്ട് ഹാജരാകാൻ കോടതി നിർദേശിച്ചു. വനിതാ ഗുസ്തിതാരങ്ങളുടെ ശരീരത്തിൽ മോശമായ രീതിയിൽ സ്പർശിച്ചു, തികച്ചും സ്വകാര്യമായ ചോദ്യങ്ങൾ ചോദിച്ചു, ലൈംഗികാവശ്യങ്ങൾ ഉന്നയിച്ചു എന്നിവയാണ് ബ്രിജ് ഭൂഷണെതിരായ ആരോപണങ്ങൾ.
ലൈംഗിക പീഡന കേസില് ബി ജെ പി എം പി ബ്രിജ് ഭൂഷണെതിരായ കുറ്റപത്രം ദില്ലി പൊലീസ് നേരത്തെ സമര്പ്പിച്ചിരുന്നു. ആറ് ഗുസ്തി താരങ്ങളുടെ പരാതിയില് ആയിരത്തി അഞ്ഞൂറോളം പേജുള്ള കുറ്റപത്രമാണ് ദില്ലി പൊലീസ് കോടതിയില് സമര്പ്പിച്ചത്.പ്രായപൂര്ത്തിയാകാത്ത താരത്തിന്റെ പരാതിയില് രജിസ്റ്റര് ചെയ്ത കേസ് റദ്ദാക്കണമെന്നും പൊലീസ് കോടതിയില് ആവശ്യപ്പെട്ടിരുന്നു.
പ്രായപൂര്ത്തിയാകാത്ത താരം ഉന്നയിച്ച പരാതിക്ക് അടിസ്ഥാനമില്ലെന്നും, പരാതിക്കാരി മൊഴി പിൻവലിച്ചതായും പൊലീസ് പറഞ്ഞു. പരാതി നൽകിയുരുന്ന താരത്തിന്റെ അച്ഛൻ നൽകിയും മൊഴിയും പൊലീസ് കോടതിയെ അറിയച്ചു. ചാമ്പ്യന് ഷിപ്പില് തോറ്റതിലുള്ള പ്രകോപനത്തില് ബ്രിജ് ഭൂഷണോടുള്ള ദേഷ്യം മൂലം പരാതി നല്കിയതാണെന്നായിരുന്നു പിതാവിന്റെ മൊഴി.
