പതിനഞ്ചാം കേരള നിയമസഭയുടെ പത്താം സമ്മേളനം ഇന്ന് ഗവര്ണ്ണറുടെ നയപ്രഖ്യാപനത്തോടെ ആരംഭിക്കും. ഒമ്പത് മണിക്കാണ് ഗവര്ണര് നിമയസഭയില് എത്തുക. പ്രധാനമായും 2024-25 സാമ്പത്തിക വര്ഷത്തെ ബജറ്റ് പാസ്സാക്കുന്നതിനായി ചേരുന്ന സഭാ സമ്മേളനം മാര്ച്ച് 27 വരെ ആകെ 32 ദിവസം ചേരുന്നതിനാണ് തീരുമാനിച്ചിരിക്കുന്നത്.ജനുവരി 29, 30, 31 തീയതികളില് ഗവര്ണ്ണറുടെ പ്രസംഗത്തിന് നന്ദി രേഖപ്പെടുത്തുന്ന പ്രമേയത്തിന്മേലുള്ള ചര്ച്ചയും ഫെബ്രുവരി 5ന് 2024-25 സാമ്പത്തിക വര്ഷത്തേക്കുള്ള ബജറ്റ് അവതരണവും നടക്കുമെന്ന് സ്പീക്കര് അറിയിച്ചു.
ഫെബ്രുവരി 6 മുതല് 11 വരെയുള്ള തീയതികളില് സഭ ചേരുന്നില്ല. തുടര്ന്ന് ഫെബ്രുവരി 12 മുതല് 14 വരെയുള്ള തീയതികളില് ബജറ്റിന്മേലുള്ള പൊതുചര്ച്ച നടക്കും. ധനാഭ്യാര്ത്ഥനകളുടെ സൂക്ഷ്മ പരിശോധനയ്ക്കായി ഫെബ്രുവരി 15 മുതല് 25 വരെയുള്ള കാലയളവില് സബ്ജക്ട് കമ്മിറ്റികള് യോഗം ചേരും.
