അരിക്കൊമ്പനെ മുത്തുക്കുളി വനത്തില് തുറന്നുവിട്ടു. ആനയെ തുറന്നുവിട്ടതായി തമിഴ്നാട് മുഖ്യവനപാലകന് ശ്രീനിവാസ് റെഡ്ഢി സ്ഥിരീകരിച്ചു. ആരോഗ്യസ്ഥിതി മോശമായതിനാല് അരിക്കൊമ്പനെ തുറന്നുവിടുന്നതില് തീരുമാനമായിരുന്നില്ല.ആന ഒരു ദിവസമായി അനിമല് ആംബുലന്സിലായിരുന്നു.
മതിയായ ചികിത്സ നല്കിയശേഷമാണ് തുറന്നുവിട്ടത്. അരിക്കൊമ്പന്റെ ആരോഗ്യനില തൃപ്തികരമല്ലെന്നും ഈ അവസ്ഥയില് വനത്തില് തുറന്നുവിടാനാകില്ലെന്നും തമിഴ്നാട് വനംവകുപ്പ് അറിയിച്ചിരുന്നു.കമ്പത്തിനു സമീപം ഇന്നലെ പുലര്ച്ചെ ഒന്നിനു തമിഴ്നാട് വനംവകുപ്പ് പിടികൂടിയ കാട്ടാനയെ വൈകിട്ടോടെയാണ് തിരുനെല്വേലി അംബാസമുദ്രത്തിലെ കളക്കാട്- മുണ്ടന്തുറൈ കടുവസങ്കേതത്തിലെത്തിച്ചത്.
