ഐഐടി ഖരക്പൂരിലെ ഹോസ്റ്റല് മുറിയില് വിദ്യാര്ത്ഥിയുടെ മൃതദേഹം അഴുകിയ നിലയില് കണ്ടെത്തി. 23കാരനായ വിദ്യാര്ത്ഥി ഫൈസാന് അഹമ്മദിന്റെ മൃതദേഹമാണ് ക്യാംപസില് ഇന്ന് കണ്ടെത്തിയത്. അസമിലെ ടിന്സൂക്കിയ സ്വദേശിയാണ് ഫൈസാന്. അടുത്തിടെയാണ് ഫൈസാന് ഹോസ്റ്റലിലേക്ക് മാറിയതെന്നാണ് ഐഐടി ഖരക്പൂരിലെ അധികൃതര് വിശദമാക്കുന്നത്.
മെക്കാനിക്കല് എന്ജിനിയറിംഗ് വിഭാഗത്തിലെ മൂന്നാം വര്ഷ വിദ്യാര്ത്ഥിയായിരുന്നു ഫൈസാന്
ഐഐടി ക്യാമ്പസുകളില് ആത്മഹത്യ ചെയ്യുന്ന വിദ്യാര്ത്ഥികളുടെ എണ്ണം ഉയരുകയാണ്. കഴിഞ്ഞ മാസം രണ്ട് വ്യത്യസ്ത ക്യാമ്പസില് വിദ്യാര്ത്ഥികള് ആത്മഹത്യ ചെയ്തിരുന്നു.