ഓണ്ലൈന് മാധ്യമപ്രവര്ത്തകയെ അപമാനിച്ചെന്ന കേസില് നടന് ശ്രീനാഥ് ഭാസിക്ക് ഏര്പ്പെടുത്തിയ വിലക്ക് സിനിമാ സംഘടന പിന്വലിച്ചു.സിനിമ നിര്മാതാക്കളുടെ സംഘടനയായ പ്രൊഡ്യൂസേഴ്സ് അസോസിയേഷന് ഏര്പ്പെടുത്തിയ വിലക്കാണ് പിന്വലിച്ചത്.
രണ്ട് മാസം മുന്പാണ് ഓണ്ലൈന് മാധ്യമപ്രവര്ത്തകയെ അഭിമുഖത്തിനിടെ അപമാനിച്ചതിന് നടനെ സംഘടന ജോലിയില് നിന്നും വിലക്കിയത്. ഈ കേസ് പിന്നീട് ഒത്തുതീര്പ്പായിരുന്നെങ്കിലും പ്രൊഡ്യൂസേഴ്സ് അസോസിയേഷന് ഏര്പ്പെടുത്തിയ വിലക്ക് തുടരുകയായിരുന്നു.
കൊച്ചിയില് ഒരു സിനിമാ പ്രമോഷന് അഭിമുഖത്തിനിടെ ശ്രീനാഥ് ഭാസി അസഭ്യം പറഞ്ഞെന്നായിരുന്നു അവതാരകയായ പെണ്കുട്ടി പൊലീസില് പരാതി നല്കിയത്. മരട് പൊലീസ് കേസെടുത്ത് അന്വേഷണവുമായി മുന്നോട്ട് പോയെങ്കിലും പിന്നീട് കേസില് ഒത്തുതീര്പ്പായി. പെണ്കുട്ടി പരാതി പിന്വലിച്ചതോടെ കേസ് ഹൈക്കോടതി റദ്ദാക്കുകയും ചെയ്തു.