അടൂരില് ടൂറിസ്റ്റ് ബസ് ആര്ടിഒ സ്ക്വാഡ് പിടിച്ചു. റാന്നിയില് സ്കൂളില് നിന്നും വിദ്യാര്ത്ഥികളുമായി പഠനയാത്ര പോയ ടൂറിസ്റ്റ് ബസാണ് മോട്ടോര് വാഹന വകുപ്പ് ഉദ്യോഗസ്ഥര് പിടികൂടിയത്. നിയമ വിരുദ്ധമായ ലൈറ്റുകളും മ്യൂസിക് സംവിധാനവും ബസിലുണ്ട്.
സ്കൂള് അധികൃതര് യാത്രയ്ക്ക് അനുമതി വാങ്ങിയിട്ടില്ലെന്നും ഉദ്യോഗസ്ഥര് പറഞ്ഞു. ഇതില് അധ്യാപകരോട് മോട്ടോര് വാഹന വകുപ്പ് വിശദീകരണം തേടിയിട്ടുണ്ട്. അമിതമായി ഘടിപ്പിച്ചിട്ടുള്ള ലൈറ്റുകളും ശബ്ദസംവിധാനങ്ങളും മാറ്റി നാളെ ഉച്ചയ്ക്ക് മുമ്പ് ബസ് ആര്ടിഒയ്ക്ക് മുന്നില് ഹാജരാക്കണമെന്ന് ജീവനക്കാരോട് നിര്ദേശിച്ചിട്ടുണ്ട്.
