കെപിസിസി അദ്ധ്യക്ഷ സ്ഥാനത്തുനിന്ന് മാറാന് സന്നദ്ധത അറിയിച്ച് കെ. സുധാകരന് രാഹുല് ഗാന്ധിയ്ക്ക് കത്തയച്ചു. കെപിസിസിയും പ്രതിപക്ഷവും ഒന്നിച്ച് പോകുന്നില്ലെന്ന് സുധാകരന് കത്തില് പറഞ്ഞു. പ്രതിപക്ഷ നേതാവില്നിന്ന് പിന്തുണ കിട്ടുന്നില്ലെന്നും സുധാകരന് പറയുന്നു. ആരോഗ്യ പ്രശ്നങ്ങള് ചൂണ്ടിക്കാട്ടിയാണ് കത്ത് നല്കിയത്. താന് സ്ഥാനമൊഴിഞ്ഞാല് പകരം ചെറുപ്പക്കാര്ക്ക് പദവി നല്കണമെന്ന് സുധാകരന് കത്തില് ആവശ്യപ്പെട്ടു.
സുധാകരന്റെ ആര് എസ് എസ് അനകൂല പരാമര്ശം അതീവ ഗൗരവമുള്ളതെന്ന് പ്രതിപക്ഷ നേതാവ് വി.ഡി സതീശന് ഇന്നലെ പറഞ്ഞിരുന്നു. സുധാകരന്റെ പരാമര്ശം പുറത്ത് വന്ന ഉടനെ തന്നെ കോണ്ഗ്രസിലെ മുതിര്ന്ന നേതാക്കളുമായി കൂടിയാലോചന നടത്തിയതായും വി ഡിസതീശന് പറഞ്ഞു. തന്റെ നാക്കുപിഴയാണ് ഈ പരാമര്ശമെന്നു സുധാകരന് വ്യക്തിമാക്കിയതായും സതീശന് പറഞ്ഞു.
