തലശേരി നഗരത്തെ വീണ്ടും വിറപ്പിച്ചു റസീന. തിങ്കളാഴ്ച്ച രാത്രീ തലശേരി കീഴന്തി മുക്കിൽ മദ്യപിച്ച് അഴിഞ്ഞാടുകയും നാട്ടുകാരെ കൈയ്യേറ്റം ചെയ്യാൻ ശ്രമിക്കുകയും ചെയ്ത സംഭവത്തിൽ വടക്കുമ്പാട് കല്യാണം വീട്ടിൽ മുപ്പത്തെട്ട് വയസ്സ് കാരിയായ റസീനയെ തലശ്ശേരി എസ്.ഐ. വി.വി. ദീപ്തി അറസ്റ്റ് ചെയ്തു. മദ്യപാനത്തിനിടെ സുഹൃത്തുമായി തര്ക്കത്തിലേര്പ്പെട്ട യുവതിയെ കസ്റ്റഡിയിലെടുക്കാന് ശ്രമിക്കുന്നതിനിടെയാണ് യുവതി എസ്.ഐ യ്ക്കു നേരെയും പരാക്രമം നടത്തിയത്.
അറസ്റ്റ് ചെയ്ത യുവതിയെ വൈദ്യ പരിശോധനക്കിടയിലും പോലീസ് കൃത്യനിർവ്വഹണം തടസ്സപെടുത്തി. ഇതിന് മുമ്പ് ഈ യുവതി മദ്യപിച്ച് വാഹനത്തിലെത്തി പരാക്രമം നടത്തുന്നത് നിത്യ സംഭവമായിട്ടുണ്ട് വിവിധ . വകുപ്പുകൾ പ്രകാരം അറസ്റ്റ് ചെയ്ത യുവതിയെ 14 ദിവസത്തേക്ക് റിമാൻഡ് ചെയ്തു. യുവതി സഞ്ചരിച്ച കാറും പോലീസ് കസ്റ്റഡിയിൽ എടുത്തു.
