ബ്രസീലില്‍ ഇടതുനേതാവ് ലുല ഡി സെല്‍വയുടെ തെരഞ്ഞെടുപ്പ് വിജയത്തിന് പിന്നാലെ ലുലയെ താഴെയിറക്കാന്‍ സായുധസേനയുടെ ഇടപെടല്‍ ആവശ്യപ്പെട്ട് റാലികളുമായി ഒരു വിഭാഗം. ബ്രസീല്‍ പ്രസിഡന്റായ ജെയര്‍ ബോള്‍സൊനാരോയെ പിന്തുണയ്ക്കുന്നവരാണ് റാലികള്‍ സംഘടിപ്പിച്ചത്.
ജനുവരി 1 ന് ലുല പ്രസിഡന്റ് സ്ഥാനം ഏറ്റെടുക്കുന്നത് ബലം പ്രയോഗിച്ച് തടയണമെന്നാണ് പ്രതിഷേധക്കാരുടെ ആവശ്യം.സാവോ പോളോയിലും റിയോ ഡി ജനീറോയിലും ബോള്‍സൊനാരോ അനുകൂലികള്‍ റാലികള്‍ നടത്തി. തെരഞ്ഞെടുപ്പ് വഞ്ചനാപരമായിരുന്നുവെന്നാണ് ആരോപണം. ആകെ പോള്‍ ചെയ്ത വോട്ടുകളില്‍ 51 ശതമാനം ലുല നേടിയാണ് വിജയിച്ചത്.
