സംഘര്ഷം നിലനില്ക്കുന്ന മണിപ്പൂരില് അര്ധസൈനിക വിന്യാസം കൂട്ടി. 400 അധിക കമ്പനി സേനയെ മണിപ്പൂരില് എത്തിച്ചു. അധികകമായി ബിഎസ്എഫ്, സിആര്പിഎഫ് സംഘത്തെയാണ് കഴിഞ്ഞ മൂന്നു ദിവസത്തിനിടെയായി മണിപ്പൂരിലെ സംഘര്ഷം നിലനില്ക്കുന്ന മേഖലകളിലായി വിന്യസിച്ചത്. ചുരാചന്ദ്പുരിലെ ബിഎസ്എഫിന്റെ ക്യാമ്പ് താല്ക്കാലിക ജയിലാക്കി മാറ്റാന് മണിപ്പൂര് സര്ക്കാര് തീരുമാനിച്ചതിനിടെയാണ് മേഖലയിലേക്ക് കൂടുതല് സൈനികരെ എത്തിച്ചിരിക്കുന്നത്.
മെയ് മുതല് ഇരു സമുദായങ്ങള്ക്കിടയിലാരംഭിച്ച സംഘര്ഷത്തെതുടര്ന്ന് മണിപ്പൂരിലെ രണ്ടു സ്ഥിരം ജയിലുകളിലും കസ്റ്റഡയിലെടുക്കുന്നവരെ പാര്പ്പിക്കാന് സ്ഥലമില്ലാത്ത സാഹചര്യമാണ് നിലനില്ക്കുന്നത്. ജയിലുകളില് ആളുകള് നിറഞ്ഞതോടെയാണ് ബിഎസ്എഫിന്റെ ക്യാമ്പ് താല്ക്കാലിക ജയിലാക്കി മാറ്റാന് സര്ക്കാര് തീരുമാനിച്ചിരിക്കുന്നത്.
