ടെക്സാസ്: അമേരിക്കയിലെ ഏറ്റവും മികച്ച ബീച്ചുകളിൽ ഒന്നായി പാഡ്രെ ഐലൻഡ് നാഷണൽ സീഷോറിനെ തിരഞ്ഞെടുത്തു. ബ്രിട്ടീഷ് പത്രമായ ദി ഇൻഡിപെൻഡന്റ് നടത്തിയ പഠന റിപ്പോർട്ടിലാണിത് ഇക്കാര്യം വ്യക്തമാക്കുന്നത്.
ടെക്സസ് ബീച്ച്, മണൽ, സൂര്യാസ്തമയം, സർഫ് എന്നിവയിൽ ഹവായ്, കാലിഫോർണിയ, അലബാമ തുടങ്ങിയ തീരപ്രദേശങ്ങളെക്കാൾ മികച്ചതാണെന്നാണ് റിപ്പോർട്ടിൽ പറയുന്നത്.
പാഡ്രെ ഐലൻഡ് നാഷണൽ സീഷോർ, പോർട്ട് അരൻസസിനും സൗത്ത് പാഡ്രെ ദ്വീപിനും ഇടയിൽ പാഡ്രെ ദ്വീപിൽ സ്ഥിതിചെയ്യുന്നു. ഇത് ഒരു ദേശീയ ഉദ്യാനമാണ്. ‘മനോഹരമായ’ തീരപ്രദേശം എന്നതിന് പുറമേ, പാഡ്രെ ദ്വീപ് ലോകത്തിലെ ഏറ്റവും നീളം കൂടിയ അവികസിത ബാരിയർ ദ്വീപാണ്.
’66 മൈൽ നീളമുള്ള ഈ സംരക്ഷണ മേഖല ഒരു പ്രധാന ദേശാടന പക്ഷി പാതയാണ്, കൂടാതെ 350 വ്യത്യസ്ത ഇനങ്ങളുടെ ആവാസ കേന്ദ്രവുമാണ്, വടക്കേ അമേരിക്കൻ ദേശാടന പക്ഷികളുടെ പകുതിയോളം വർഷത്തിൽ വ്യത്യസ്ത സമയങ്ങളിൽ ഇവിടെ കടന്നുപോകുന്നു,’ വൈറ്റ്ഹെഡ് കുറിച്ചു.
