വയനാട്ടിലെ ബാണാസുര ഡാമില് ഓറഞ്ച് അലര്ട്ട് പ്രഖ്യാപിച്ചു. ജലനിരപ്പ് 773 മീറ്ററിലെത്തിയതിനാലാണ് ഓറഞ്ച് അലര്ട്ട് പ്രഖ്യാപിച്ചത്.
സംസ്ഥാനത്ത് നാല് ദിവസം കൂടി മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ചൊവ്വാഴ്ച വരെ വ്യാപകമായ മഴയ്ക്കും ഒറ്റപ്പെട്ട കനത്ത മഴയ്ക്കും സാധ്യതയുണ്ട്. നാളെ വടക്കുപടിഞ്ഞാറന് ബംഗാള് ഉള്ക്കടലില് ന്യൂനമര്ദ്ദം രൂപപ്പെടാന് സാധ്യതയുണ്ട്. ഒറ്റപ്പെട്ടയിടങ്ങളില് ഇന്ന് കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ഇടുക്കി ഡാമില് റെഡ് അലര്ട്ട് പ്രഖ്യാപിച്ച സാഹചര്യത്തില് പെരിയാറിന്റെ തീരത്ത് താമസിക്കുന്നവര് ജാഗ്രത പാലിക്കണമെന്ന് എറണാകുളം ജില്ലാ കളക്ടര് ഡോ.കെ. രേണു രാജ് നിര്ദ്ദേശം നല്കി. സ്ഥിതിഗതികള് വിലയിരുത്താന് എല്ലാ താലൂക്കുകളിലും അടിയന്തര യോഗം ചേരും. കൂടുതല് ക്യാമ്ബുകള് തുറക്കാനുള്ള നടപടികള് സ്വീകരിക്കും. പെരിയാറിന് സമീപമുള്ള പഞ്ചായത്തുകള്ക്ക് ജാഗ്രതാ നിര്ദേശം നല്കും