നീറ്റ് പരീക്ഷ വിവാദത്തില് ചോദ്യപേപ്പര് ചോര്ച്ച ഉണ്ടായിട്ടില്ലെന്ന് എന് ടി എ. അട്ടിമറി സാധ്യതകള് ഒന്നുമില്ല. വിദ്യാര്ഥികള്ക്ക് മുഴുവന് മാര്ക്ക് ലഭിച്ചതില് ക്രമക്കേടില്ല. പരീക്ഷയുടെ വിശ്വാസ്യത ചോദ്യം ചെയ്യേണ്ടതില്ലെന്നും എന്ടിഎ വ്യക്തമാക്കി.
അതേസമയം എന് ടി എ യുടെ വിശദീകരണം വിദ്യാര്ഥികള് അംഗീകരിച്ചില്ല. സംഭവത്തില് വ്യക്തത തേടി സുപ്രീം കോടതിയെ സമീപിക്കാനാണ് വിദ്യാര്ഥികളുടെ തീരുമാനം. ഹരിയാനയിലെ ഒരു സെന്ററില് പരീക്ഷയെഴുതിയ വിദ്യാര്ത്ഥികള്ക്ക് തൊട്ടടുത്ത റാങ്ക് ലഭിച്ചത് സംശയാസ്പദമാണെന്ന് വിദ്യാര്ത്ഥികള് ആരോപിച്ചു.
അന്വേഷണം ആവശ്യപ്പെട്ട് കേന്ദ്ര വിദ്യാഭ്യാസ മന്ത്രാലയത്തിന് വിദ്യാര്ത്ഥികള് പരാതി നല്കിയിട്ടുണ്ട്. 67 പേര്ക്ക് ഒന്നാം റാങ്ക് ലഭിച്ചതും ചില വിദ്യാര്ത്ഥികള്ക്ക് ഗ്രേസ് മാര്ക്ക് നല്കിയതിലും അട്ടിമറിയുണ്ടെന്നാണ് ആരോപണം. അട്ടിമറി നടന്നിട്ടുണ്ടെന്നും അതിനാല് നീറ്റ് പരീക്ഷ വീണ്ടും നടത്തണമെന്നും വിദ്യാര്ഥികള് ആവശ്യപ്പെട്ടു.
