ദില്ലി: ബി ജെ പിയുടെ പ്രധാനമന്ത്രി സ്ഥാനാര്‍ഥി നരേന്ദ്രമോദിക്ക് ജയിക്കാന്‍ വിക്കിലീക്‌സിന്റെയോ ജൂലിയന്‍ അസാന്‍ജിന്റെയോ സര്‍ട്ടിഫിക്കറ്റ് ആവശ്യമില്ലെന്ന് ബി ജെ പി.മോദിയ്ക്ക് ജയിക്കാനായി പ്രത്യേകിച്ചൊന്നും ചെയ്യേണ്ട കാര്യമില്ലെന്നും ജനങ്ങള്‍ ആഗ്രഹിക്കുന്നത് രാജ്യത്തെ പുരോഗതിയുടെ പാതയിലെത്തിക്കുന്ന സദ്ഭരണമാണെന്നും ബി ജെ പി നേതാവ് മുക്താര്‍ അബ്ബാസ് നഖ്‌വി അറിയിച്ചു..
യുഎസ് 2011-ല്‍ പുറത്തുവിട്ട നയതന്ത്ര റിപ്പോര്‍ട്ടില്‍ മോദിയെ അഴിമതിയില്ലാത്തവനും സത്യസന്ധനുമായി വിവരിക്കുന്നില്ലെന്ന് വിക്കിലീക്‌സ് രാവിലെ വെളിപ്പെടുത്തിയിരുന്നു. അഴിമതിയുടെ കറപുരളാത്ത മോദിയെ യു എസ് ഭയക്കുന്നു എന്നാണ് വിക്കിലീക്‌സ് റിപ്പോര്‍ട്ടിനോട് ബി ജെ പി പ്രതികരിച്ചത്.
