കരുവന്നൂര് സഹകരണ ബാങ്ക് കേസില് കൂടുതല് സിപിഐഎം നേതാക്കള്ക്ക് ഇ ഡി നോട്ടീസ് നല്കും. എംകെ കണ്ണൻ, എസി മൊയ്തീൻ എന്നീ നേതാക്കള്ക്ക് കൂടി ഉടൻ നോട്ടീസെത്തുമെന്നാണ് വിവരം.നിലവില് തൃശൂര് സിപിഐഎം ജില്ലാ സെക്രട്ടറി എംഎം വര്ഗീസിനാണ് ഇഡി നോട്ടീസ് വന്നിരിക്കുന്നത്. തെരഞ്ഞെടുപ്പ് അടുത്തിരിക്കെ കരുവന്നൂര് കേസില് സജീവമാവുകയാണ് ഇഡി.
നേരത്തേ തന്നെ കേസില് ഇഡി അന്വേഷണം ഇഴഞ്ഞുനീങ്ങുന്നുവെന്ന പരാതിയുണ്ട്. അന്വേഷണം എത്രയും വേഗം പൂര്ത്തിയാക്കണമെന്ന് ഹൈക്കോടതിയും നിര്ദേശിച്ചിരുന്നതാണ്. കേസില് സഹകരണ രജിസ്ട്രാർമാർക്കും പങ്കുണ്ടെന്നാണ് ഇഡി വാദം. പത്ത് വർഷത്തെ ഓഡിറ്റ് വിവരം മറച്ചുവച്ചത് രജിസ്ട്രാർമാരാണെന്നാണ് ഇഡി ചൂണ്ടിക്കാട്ടുന്നത്. ഈ കാലയളവിൽ ചുമതല വഹിച്ചവരെ പ്രതികളാക്കാനാണ് നീക്കം.
