ഉത്തർപ്രദേശിലെ വൃന്ദാവനിൽ കെട്ടിടത്തിന്റെ ബാൽക്കണി തകർന്ന് അഞ്ച് പേർ മരിച്ചു

ഉത്തർപ്രദേശിലെ വൃന്ദാവനിൽ കെട്ടിടത്തിന്റെ ബാൽക്കണി തകർന്ന് അഞ്ച് പേർ മരിച്ചു. 10 പേർക്ക് പരിക്കേറ്റു. സംഭവത്തിൽ നിരവധിപേർ പേർ അവശിഷ്ടങ്ങൾക്കിടയിൽ കുടുങ്ങിയെന്ന് അധികൃതർ അറിയിച്ചു. വൃന്ദാവനിലെ ബങ്കെ ബിഹാരി ക്ഷേത്രത്തിന് സമീപമുള്ള റോഡിലാണ് സംഭവം നടന്നത്.
സിസിടിവി ക്യാമറയിൽ പതിഞ്ഞ ദൃശ്യത്തിൽ കെട്ടിടത്തിന്റെ ഒരു ഭാഗം കാറിന് മുകളിൽ വീഴുന്നത് കാണാം.

സംഭവം പ്രദേശത്ത് അരാജകത്വത്തിന് കാരണമായി. ജില്ലാ ഭരണകൂടവും പോലീസ് ഉദ്യോഗസ്ഥരും സ്ഥലത്തെത്തി അവശിഷ്ടങ്ങൾക്കിടയിൽ നിന്ന് ആളുകളെ രക്ഷപ്പെടുത്തി ആശുപത്രിയിലെത്തിച്ച് ചികിത്സ നൽകി.