സ്ഥാനമൊഴിയുമ്പോള് ദേശീയ സുരക്ഷാ രേഖകള് നിയമവിരുദ്ധമായി സൂക്ഷിച്ചുവെന്നും അവ പരസ്യപ്പെടുത്തിയെന്നുമുള്ള കുറ്റത്തിന് മുന് അമേരിക്കന് പ്രസിഡന്റ് ഡൊണാള്ഡ് ട്രംപിന്റെ അറസ്റ്റ് രേഖപ്പെടുത്തി.കൂടാതെ, ഈ രേഖകള് തിരിച്ചെടുക്കാന് ശ്രമിച്ച ഏജന്സികളെ ട്രംപ് കബളിപ്പിക്കാന് ശ്രമിച്ചും അറസ്റ്റിന് പുറകിലുണ്ട്.
ട്രംപിന്റെ മുന് സഹായി വാള്ട്ട് നൗതയ്ക്കുമെതിരെയും കേസെടുത്തിട്ടുണ്ട്. 247 വര്ഷത്തെ അമേരിക്കയുടെ ചരിത്രത്തില് ആദ്യമായാണ് ഒരു പ്രസിഡന്റ് അറസ്റ്റ് ചെയ്യപ്പെടുന്നത്. മിയാമി ഫെഡറല് കോടതിയാണ് ഈ അസാധാരണമായ അറസ്റ്റ് രേഖപ്പെടുത്തിയത്.2021 ജനുവരിയില് അമേരിക്കന് പ്രസിഡന്റ് പദവിയില് നിന്നും സ്ഥാനമൊഴിയുമ്പോള് രാജ്യ സുരക്ഷയുമായി ബന്ധപ്പെട്ട രേഖകള് ട്രംപ് മാര് എലാഗോ ഫ്ലോറിഡ എസ്റ്റേറ്റിലും ന്യൂജേഴ്സി ഗോള്ഫ് ക്ലബ്ബിലും അലക്ഷ്യമായി സൂക്ഷിച്ചെന്നാണ് കേസ്.
രഹസ്യരേഖകള് കൈകാര്യം ചെയ്തതുമായി ബന്ധപ്പെട്ട ഫെഡറല് ഗ്രാന്ഡ് ജൂറിയുടെ അന്വേഷണം നടത്തിയിരുന്നു. തുടര്ന്നാണ്, ഡൊണള്ഡ് ട്രംപിനെതിരെ കുറ്റം ചുമത്തിയത്. ഏഴ് കുറ്റങ്ങളാണ് ട്രംപിനെതിരെ ചുമത്തപ്പെട്ടിരിക്കുന്നത്.
