പിഎഫ്‌ഐ ഹര്‍ത്താല്‍ ആക്രമക്കേസിലെ ജപ്തി നടപടികള്‍ ഉടന്‍ പൂര്‍ത്തിയാക്കണം; ഹൈക്കോടതി

പിഎഫ്‌ഐ ഹര്‍ത്താല്‍ ആക്രമക്കേസിലെ ജപ്തി നടപടികള്‍ ഉടന്‍ പൂര്‍ത്തിയാക്കണമെന്ന് ഹൈക്കോടതി. നടപടികള്‍ പൂര്‍ത്തിയാക്കി ജില്ലാടിസ്ഥാനത്തിലുള്ള റിപ്പോര്‍ട്ട് ഈ മാസം 23നകം നല്‍കണമെന്ന് കോടതി സര്‍ക്കാരിനോട് ആവശ്യപ്പെട്ടു. നടപടികള്‍ വൈകുന്നതില്‍ അതൃപ്തി വ്യക്തമാക്കിയ ഡിവിഷന്‍ ബെഞ്ച് ജപ്തി നടപടികള്‍ക്ക് നോട്ടീസ് നല്‍കേണ്ടതില്ലെന്നും നിര്‍ദ്ദേശിച്ചു.
അതിനിടെ, പോപ്പുലര്‍ ഫ്രണ്ട് കേസുമായി ബന്ധപ്പെട്ട് കൊല്ലത്ത് ഇന്നും എന്‍ഐഎ സംഘം റെയ്ഡ് നടത്തി.

പിഎഫ്ഐ പ്രവര്‍ത്തകനായ ചാത്തനാംകുളം സ്വദേശി നിസാറുദ്ദീന്റെ വീട്ടിലാണ് പരിശോധന നടന്നത്. റെയ്ഡില്‍ ഡയറിയും തിരിച്ചറിയല്‍ രേഖകളും പിടിച്ചെടുത്തു.ചൊവ്വാഴ്ച പുലര്‍ച്ചെ കൊല്ലം ചവറയില്‍ നടന്ന എന്‍ഐഎ റെയ്ഡില്‍ ഒരാളെ കസ്റ്റഡിയിലെടുത്തിരുന്നു. ചവറ സ്വദേശി മുഹമ്മദ് സാദിഖാണ് പിടിയിലായത്.പോപ്പുലര്‍ ഫ്രണ്ടിന്റെ പരിപാടിയില്‍ പങ്കെടുത്തതിന്റെ തെളിവുകളും യാത്രാരേഖകളും ഇയാളുടെ വീട്ടില്‍നിന്ന് പിടിച്ചെടുത്തു.

Spread the love

Leave a Reply

Your email address will not be published. Required fields are marked *