കോഴിക്കോട്ടെത്തിച്ച് ബലാത്സംഗം ചെയ്ത കേസ്: പ്രതികള് റിമാന്ഡില്.യു.പി സ്വദേശികളായ ഇകറാര് ആലം (18), അജാജ് (25), ഷക്കീല് ഷാ (42), ഇര്ഷാദ് (23) എന്നിവരെയാണ് കോടതി റിമാന്ഡ് ചെയ്തത്.
ഉത്തര്പ്രദേശ് സ്വദേശിനിയായ യുവതിയാണ് പീഡനത്തിനിരയായത്. വാരാണസിയിലെ വീട്ടില്നിന്ന് ചെന്നൈയിലെ ബന്ധുവീട്ടിലേക്ക് യുവതി ട്രെയിനില് പോകവെ നാട്ടുകാരായ യുവാക്കള് ഒപ്പം കൂടുകയായിരുന്നു.തുടര്ന്ന് ഒരാള് പ്രണയം തുറന്നുപറയുകയും യുവതിയെ ചെന്നൈയില് ഇറങ്ങാന് സമ്മതിക്കാതെ പാലക്കാട്ടിറക്കുകയും ചെയ്തു. ഇവിടെനിന്ന് ബസില് കോഴിക്കോട്ടെത്തിച്ച് പീഡിപ്പിക്കുകയായിരുന്നു.
പോക്സോ ഉള്പ്പെടെ വകുപ്പുകളാണ് കസബ പൊലീസ് പ്രതികള്ക്കെതിരെ ചുമത്തിയത്. പീഡനം നടന്ന പാളയത്തെ മുറിയില് പൊലീസ് പരിശോധന നടത്തി. യുവതിയുടെ വിവരങ്ങള് കസബ പൊലീസ് യു.പി പൊലീസിന് കൈമാറിയിട്ടുണ്ട്.
യു.പിയിലെ ഗാസിപ്പൂര് ജില്ലയിലെ ബിര്ണോ പൊലീസ് സ്റ്റേഷനില് യുവതിയെ കാണാതായെന്ന് പരാതിയുണ്ടെന്നും ഇവരാണോ കോഴിക്കോട്ടെത്തിയതെന്ന് അന്വേഷിച്ചുവരുകയാണെന്നും പൊലീസ് പറഞ്ഞു. യുവതിയിപ്പോള് സാമൂഹികക്ഷേമ വകുപ്പിന്റെ വെള്ളിമാട്കുന്നിലെ ഹോമിലാണുള്ളത്.