ദീപാവലി, ക്രിസ്തുമസ്, ന്യൂഇയര് ആഘോഷത്തിന് പടക്കം പൊട്ടിക്കുന്നതിനായുള്ള സമയത്തിന് നിയന്ത്രണം ഏര്പ്പെടുത്തി സര്ക്കാര്. ദീപാവലി ആഘോഷത്തിന് പടക്കം പൊട്ടിക്കുന്നത് രാത്രി എട്ടിനും പത്തിനും ഇടയില് പരമാവധി രണ്ടു മണിക്കൂറാക്കിയും. ക്രിസ്മസ്, ന്യൂ ഇയര് ആഘോഷങ്ങള്ക്ക് പടക്കം പൊട്ടിക്കുന്നത് രാത്രി 11.55 മുതല് 12.30 വരെയാക്കിയും നിയന്ത്രിച്ചുള്ള ഉത്തരവ് സര്ക്കാര് പുറപ്പെടുവിച്ചു.
വായു ഗുണനിലവാരം മിതമായതോ അതിനു താഴെയുള്ളതോ ആയ നഗരങ്ങളില് അന്തരീക്ഷ മലിനീകരണം നിയന്ത്രിക്കുന്നതിന്റെ ഭാഗമായി ഗ്രീന് ട്രൈബ്യൂണല് പുറപ്പെടുവിച്ച വിധിയുടെ അടിസ്ഥാനത്തിലാണ് ഉത്തരവ്.
