ആലപ്പുഴ തലവടിയില് കോളറ ബാധിച്ച് ചികിത്സയിലായിരുന്ന യുവാവ് മരിച്ചു. തലവടി സ്വദേശി ടി ജി രഘു (48) ആണ് മരിച്ചത്. തിരുവല്ലയിലെ സ്വകാര്യ മെഡിക്കല് കോളേജില് ചികിത്സയിലിരിക്കെയാണ് മരണം. അര്ദ്ധരാത്രിയോടെയാണ് മരണം സ്ഥിരീകരിച്ചത്. ഈ വര്ഷം സംസ്ഥാനത്ത് സ്ഥിരീകരിക്കുന്ന രണ്ടാമത്തെ കേസാണിത്. കോളറ ബാധിച്ച് കഴിഞ്ഞ മാസം തിരുവനന്തപുരം കവടിയാര് സ്വദേശിയായ കാര്ഷിക വകുപ്പിലെ മുന് ഉദ്യോഗസ്ഥന് മരിച്ചിരുന്നു.
മരണാനന്തരം നടത്തിയ രക്ത പരിശോധനയിലാണ് കോളറ സ്ഥിരീകരിച്ചത്. കഴിഞ്ഞ ഏപ്രില് 20ന് തിരുവനന്തപുരത്തെ സ്വകാര്യ ആശുപത്രിയില് വെച്ചായിരുന്നു മരണം. 2024 ഓഗസ്റ്റില് വയനാട്ടില് കോളറ ബാധിച്ച് സുല്ത്താന് ബത്തേരി നൂല്പ്പുഴ സ്വദേശി വിജില (30) മരിച്ചിരുന്നു.
