പാചക വാതക വിതരണ ശൃംഖല ശക്തിപ്പെടുത്തുന്നതിനായി 6000 പുതിയ എൽ. പി. ജി വിതരണ ഏജൻസികൾ തുറക്കും. ഇവ എല്ലാം തന്നെ ഗ്രാമീണ മേഖലയിലായിരിക്കുമെന്ന് കേന്ദ്ര സർക്കാർ വ്യക്തമാക്കി. ഏജൻസി നടത്തുന്നതിന് അർഹരായവരെ തെരഞ്ഞെടുക്കുന്നതിനുള്ള നടപടികൾ പൂർത്തിയായി വരികയാണ്. ഈ വർഷം ഡിസംബറിൽ പുതിയ ഏജൻസികളുടെ പ്രവർത്തനം ആരംഭിക്കും.
ഇന്ത്യൻ ഓയിൽ കോർപറേഷൻ, ഹിന്ദുസ്ഥാൻ പെട്രോളിയം കോർപറേഷൻ, ഭാരത് പെട്രോളിയം കോർപറേഷൻ എന്നീ വിതരണ കമ്പനികളാണ് പുതിയ വിതരണ കേന്ദ്രങ്ങൾ തുറക്കുക. ഇത് വരെ ഒന്നര ലക്ഷം അപേക്ഷകൾ ഈ കമ്പനികൾക്ക് ലഭിച്ചിട്ടുണ്ട്. ഇവയിൽ നിന്ന് ഓൺലൈൻ ലോട്ടറി വഴിയാണ് അർഹരായവരെ തെരഞ്ഞെടുക്കുക. മൊത്തം 2000 കോടി രൂപയാണ് ഇതിനു ചെലവ് പ്രതീക്ഷിക്കുന്നത്.
