യുഡിഎഫ് ഭരണകാലത്ത് ക്ഷേമപെന്ഷന് കുടിശികയൊന്നും ഇല്ലായിരുന്നുവെന്ന യുഡിഎഫ് അവകാശവാദത്തിനെതിരെ ആഞ്ഞടിച്ച് മുന്ധനമന്ത്രി ടി എം തോമസ് ഐസക്. ഉമ്മൻചാണ്ടിയുടെ ഭരണകാലത്ത് എത്രമാസത്തെ ക്ഷേമ പെന്ഷന് കുടിശിക കൊടുത്തുവെന്ന് യുഡിഎഫ് മറുപടി പറയണമെന്ന് തോമസ് ഐസക് ആവശ്യപ്പെട്ടു.
ഫേസ്ബുക്ക് പോസ്റ്റിലൂടെയാണ് പ്രതികരണം.2015 ഡിസംബറില് ആറ് മുതല് 11 മാസം വരെ ക്ഷേമപെന്ഷന് കുടിശികയുണ്ടെന്ന് മുന് മുഖ്യമന്ത്രി ഉമ്മന് ചാണ്ടി പരസ്യമായി സമ്മതിച്ചിട്ടുണ്ടെന്നും തോമസ് ഐസക് പറഞ്ഞു. ഉമ്മന് ചാണ്ടിയുടെ പ്രസ്താവന സംബന്ധിച്ച പത്ര റിപ്പോര്ട്ടുകള് ഉള്പ്പെടുത്തിക്കൊണ്ടാണ് തോമസ് ഐസകിന്റെ ഫേസ്ബുക്ക് പോസ്റ്റ്.
ഇത് കൂടാതെ യുഡിഎഫ് കാലത്ത് ഈ കുടിശികയെല്ലാം തീര്ത്തതിന്റെ നാള് വഴി യുഡിഎഫ് നേതാക്കള്ക്ക് പറയാമോ എന്ന് തോമസ് ഐസക് വെല്ലുവിളിച്ചു. ഇതിനായി സര്ക്കാര് പണം അനുവദിച്ചതിന്റെ ഉത്തരവ് കാണിക്കാമോ എന്നും തോമസ് ഐസക് ചോദിച്ചു.
