മ്യാന്മറിലെയും തായ്ലന്ഡിലെയും ഭൂകമ്ബത്തിന്റെ ഭീതിയൊഴിയും മുമ്ബ് അഫ്ഗാനിസ്ഥാനിലും ഭൂചലനം. ഇന്ന് പുലര്ച്ചെ 5.16നായിരുന്നു ഭൂചലനം അനുഭവപ്പെട്ടത്.റിക്ടര് സ്കെയിലില് 4.7 തീവ്രത രേഖപ്പെടുത്തിയ ഭൂചലനമാണുണ്ടായതെന്ന് നാഷണല് സെന്റര് ഫോര് സീസ്മോളജി അറിയിച്ചു. 180 കിലോമീറ്റര് ആഴത്തിലാണ് ഭൂചലനം ഉണ്ടായത്.
മ്യാന്മാറില് റിക്ടര് സ്കെയില് 7.7 രേഖപ്പെടുത്തിയ ഭൂചലനമായിരുന്നു ഉണ്ടായത്. ഭൂചലനത്തില് 144 പേര് മരിച്ചതായി ഔദ്യോഗിക വൃത്തങ്ങള് സ്ഥിരീകരിച്ചു. 732 പേര്ക്ക് പരുക്കേറ്റു. ഇതിന് പിന്നാലെ 6.8 തീവ്രത രേഖപ്പെടുത്തിയ മറ്റൊരു ഭൂചലനവും ഉണ്ടായി. ശേഷം 4.2 തീവ്രതയോടെ അര്ധരാത്രിയില് അടുത്ത ഭൂചലനവുമുണ്ടായി.
ഭൂകമ്ബത്തില് മ്യാന്മറില് നിരവധി കെട്ടിടങ്ങളും ആശുപത്രികളും തകര്ന്നുവീണു. മണ്ടാലെ നഗരത്തില് ഒരു പള്ളി തകര്ന്നതായും റിപ്പോര്ട്ടുകളുണ്ട്. നിരവധി പേര് കെട്ടിടത്തിനടിയില് കുടുങ്ങിക്കിടക്കുന്നതായാണ് വിവരം.
