മിലാന്‍: ഇറ്റലിയില്‍ ഹെലികോപ്റ്ററും ചെറു വിമാനവും കൂട്ടിയിടിച്ച്‌ അഞ്ചു പേര്‍ മരിച്ചു. ടൂറിനില്‍നിന്നും എണ്‍പതു കിലോമീറ്റര്‍ മാറി ആല്‍പ്സ് പര്‍വത നിരയുടെ ആകാശത്തുവച്ചാണ് കൂട്ടിയിടി നടന്നത്. വെള്ളിയാഴ്ച ഉച്ചകഴിഞ്ഞാണ് സംഭവമുണ്ടായത്.
വിനോദ സഞ്ചാരികളുമായി പോകുകയായിരുന്ന വിമാനമാണ് അപകടത്തില്‍പ്പെട്ടത്. ഇതിലെ യാത്രക്കാര്‍ ഏതു രാജ്യക്കാരാണെന്നുള്ള വിവരങ്ങളൊന്നും ലഭ്യമായിട്ടില്ല. അപകടത്തില്‍ ഗുരുതരമായി പരിക്കേറ്റ ഒരാളെ ആശുപത്രിയില്‍ പ്രവേശിപ്പിച്ചു.
