തിരുവനന്തപുരം: അനധികൃത സ്വത്ത് സമ്ബാദന കേസില് കളമശേരി ഏരിയ സെക്രട്ടറിയായിരുന്ന സക്കീര് ഹുസൈനെതിരെയുള്ള നടപടി സിപിഎം സംസ്ഥാന സെക്രട്ടറിയേറ്റ് അംഗീകരിച്ചു. പാര്ട്ടി അന്വേഷണ കമ്മീഷന്റെ റിപ്പോര്ട്ടിന്റെ അടിസ്ഥാനത്തിലാണ് നടപടി. ആറു മാസത്തേക്കാണ് സക്കീര് ഹുസൈനെ ജില്ലാ സെക്രട്ടറിയേറ്റ് സസ്പെന്ഡ് ചെയ്തിരുന്നത്.
വ്യവസായിയെ തട്ടിക്കൊണ്ടുപോകല്, പ്രളയഫണ്ട് തട്ടിപ്പ്, സിപിഎം നേതാവിന്റെ ആത്മഹത്യ തുടങ്ങി നിരവധി ആരോപണങ്ങള് സക്കീര് ഹുസൈനെതിരെ ഉയര്ന്നിരുന്നു. അനധികൃത സ്വത്ത് സമ്ബാദനം, വിദേശയാത്ര നടത്തിയതുമായി ബന്ധപ്പെട്ട ആരോപണങ്ങളിലാണ് നടപടി.
ആരോപണങ്ങള് അന്വേഷിക്കാന് രണ്ടംഗ കമ്മീഷനെ സിപിഎം ചുമതലപ്പെടുത്തിയിരുന്നു. സി.എം ദിനേശ് മണി, വി.ആര് മുരളീധരന് എന്നിവരായിരുന്നു അംഗങ്ങള്. അന്വേഷണത്തില് സക്കീര് ഹുസൈന് കുറ്റക്കാരനാണെന്ന് കമ്മീഷന് കണ്ടെത്തുകയായിരുന്നു.