തിരുവനന്തപുരം: സ്കൂള് ബസുകള്ക്ക് ഒരു വര്ഷത്തെ നികുതിയിളവ് സര്ക്കാര് അനുവദിച്ചു. 2020 ഒക്ടോബര് മുതല് ഈവര്ഷം സെപ്റ്റംബര്വരെയുള്ള റോഡ് നികുതിയാണ് ഒഴിവാക്കിയത്.
സംസ്ഥാനത്തെ സ്റ്റേജ് കോണ്ട്രാക്ട് കാരിയറുകളുടെ ജൂലൈ ഒന്നിന് ആരംഭിച്ച രണ്ടാം ക്വാര്ട്ടറിലേയും ഒക്ടോബര് ഒന്നിന് ആരംഭിക്കുന്ന മൂന്നാം ക്വാര്ട്ടറിലേയും വാഹന നികുതികള് അടയ്ക്കേണ്ട അവസാന തീയതി ഡിസംബര് 31 വരെയാക്കി ദീര്ഘിപ്പിച്ചു.
കോവിഡ് കാരണം വാഹന ഗതാഗത രംഗത്തുള്ളവരുടെ സാന്പത്തിക ബുദ്ധിമുട്ടും തൊഴില് രാഹിത്യവും പരിഗണിച്ചാണ് നടപടിയെന്ന് മന്ത്രി ആന്റണി രാജു പറഞ്ഞു.