ന്യൂഡല്‍ഹി: ഡല്‍ഹിയിലെ കോവിഡ് സാഹചര്യം വിലയിരുത്താന്‍ ഞായറാഴ്ച ഉന്നതതല യോഗം ചേരും. കേന്ദ്ര ആഭ്യന്തരമന്ത്രി അമിത്ഷാ, ഡല്‍ഹി മുഖ്യമന്ത്രി അരവിന്ദ് കേജരിവാള്‍, ലഫ്. ഗവര്‍ണര്‍ അനില്‍ ബൈജാല്‍ എന്നിവര്‍ യോഗത്തില്‍ പങ്കെടുക്കും.
കോവിഡ് പ്രതിരോധത്തില്‍ ഡല്‍ഹി സര്‍ക്കാരിനെതിരേ സുപ്രീം കോടതിയുടെ രൂക്ഷ വിമര്‍ശനത്തിന് പിന്നാലെയാണ് യോഗം ചേരുന്നത്. കോവിഡ് രോഗികളുടെ സ്ഥിതി മൃഗങ്ങളേക്കാളും മോശമെന്നും സ്ഥിതി പരിതാപകരമെന്നുമാണ് സുപ്രീം കോടതി വിമര്‍ശിച്ചത്.
