തിരുവനന്തപുരം: കെപിസിസി പ്രസിഡന്റ് നയിക്കുമെന്ന് പ്രഖ്യാപിച്ച കേരളയാത്രയില് ഒടുവില് ക്യാപ്റ്റന് പ്രതിപക്ഷ നേതാവ് . കെ സുധാകരന് പക്ഷം കെപിസിസിയില് പിടിമുറുക്കുന്നുവെന്ന സാഹചര്യം വന്നതോടെയാണ് പ്രതിപക്ഷ നേതാവിനെയും ഇറക്കിയുള്ള എതിര്പക്ഷത്തിന്റെ കടുംവെട്ട്.
നിയമസഭാ സമ്മേളനം ആരംഭിക്കാനിരിക്കെ പ്രതിപക്ഷ നേതാവിന്റെ സൗകര്യം പോലും കണക്കിലെടുക്കാതെയാണ് ഇരുനേതാക്കളെ നായകരാക്കിയുള്ള യാത്രാ പ്രഖ്യാപനം.കെ സുധാകരന് പക്ഷം കെപിസിസി കയ്യടക്കിവച്ചിരിക്കുന്നുവെന്ന പരാതി എ,ഐ ഗ്രൂപ്പുകള്ക്കും വിഡി സതീശന് പക്ഷത്തിനുമെല്ലാം ഉണ്ട്.
കെ സുധാകരന് യാത്രയുടെ ക്യാപ്റ്റനായാലും കാര്യങ്ങള് കൈകാര്യം ചെയ്യുക അനുയായി സംഘമാണെന്ന് ഗ്രൂപ്പ് നേതൃത്വങ്ങള്ക്ക് നന്നായറിയാം.ഈ സാഹചര്യത്തിലാണ് പ്രതിപക്ഷ നേതാവും ചേര്ന്ന് യാത്ര നയിക്കട്ടെയെന്ന അഭിപ്രായം ഉയര്ന്നത്.
കേന്ദ്രനേതൃത്വവും അങ്ങനെയാവട്ടെയെന്ന് നിലപാടെടുത്തു.140 നിയമസഭാ മണ്ഡലങ്ങളിലും പര്യടനം നടത്തുന്ന ജാഥയുടെ ക്രമീകരണങ്ങള്ക്കായി 3,4,5 തീയതികളില് ജില്ലാതല നേതൃയോഗങ്ങള് വിളിച്ചിട്ടുണ്ട്
