തിരുവനന്തപുരം: സംസ്ഥാനത്തെ കര്ഷകര്ക്ക് ഇനി ആശ്വാസം. കാര്ഷിക കടാശ്വാസം ഉയര്ത്തി.കാര്ഷിക കടാശ്വാസ പദ്ധതിയുടെ പരിധി ഉയര്ത്താന് തീരുമാനിച്ചത് ഇന്ന് ചേര്ന്ന മന്ത്രിസഭാ യോഗമാണ് .
സഹകരണ ബാങ്കുകളിലെ കര്ഷകരുടെ രണ്ട് ലക്ഷം രൂപ വരെയുള്ള കടം എഴുതിത്തള്ളുമെന്നു കൃഷിമന്ത്രി വി.എസ്. സുനില് കുമാര് അറിയിച്ചു.പ്രളയം കൂടുതല് നാശം വിതച്ച ഇടുക്കി, വയനാട് ജില്ലകളിലെ കര്ഷകര്ക്കായിരിക്കും സര്ക്കാര് തീരുമാനത്തിന്റെ ഗുണം കൂടുതല് ലഭിക്കുക. ഇടുക്കി, വയനാട് ജില്ലകളില് 2018 ഓഗസ്റ്റ് 31 വരെയും മറ്റ് ജില്ലകളില് 2014 ഡിസംബര് 31 വരെയുമെടുത്ത കാര്ഷിക വായ്പകളെയാണ് പരിധിയില് കൊണ്ടുവന്നത്. നേരത്തെ ഒരു ലക്ഷം രൂപ വരെയുള്ള കാര്ഷിക വായ്പകളാണ് പരിധിയില് ഉള്പ്പെടുത്തിയിരുന്നത്. വാണിജ്യ ബാങ്കുകളുടെ വായ്പയും കടാശ്വാസ കമ്മീഷന്റെ കീഴില് കൊണ്ടുവരുമെന്നും സുനില് കുമാര് പറഞ്ഞു.
FLASHNEWS