തിരുവനന്തപുരം: സംസ്ഥാനത്തെ സ്കൂളുകളിലും കോളേജുകളിലും ഓണ്ലൈന് ക്ലാസുകള് നാളെ മുതല് ആരംഭിക്കും . സ്കൂളുകളില് വിക്ടേഴ്സ് ചാനല് വഴിയും കോളേജുകളില് വിവിധ ആപ്പുകള് ഉപയോഗിച്ചും ക്ലാസുകള് നടത്തും.
സ്കൂളുകള് തുറക്കുന്നതുവരെ അദ്ധ്യാപകര് സ്കൂളില് എത്തേണ്ടെന്നാണ് നിര്ദ്ദേശം. ടി.വിയോ മൊബൈലോ ഇല്ലാത്ത കുട്ടികള്ക്ക് പഠനം മുടങ്ങാതിരിക്കാനുള്ള നടപടികള് പ്രധാനാദ്ധ്യപകന് സ്വീകരിക്കണം. കോളേജുകളില് സൂം അടക്കം വിവിധ മീറ്റിംഗ് ആപ്ലിക്കേഷനുകള് വഴിയായിരിക്കും ക്ലാസുകള് നടക്കുക.
അതാത് ജില്ലകളിലെ അദ്ധ്യാപകര് റൊട്ടേഷന് അടിസ്ഥാനത്തില് കോളേജുകളിലെത്താനാണ് നിര്ദ്ദേശം നല്കിയിരിക്കുന്നത്. നിലവിലെ സാഹചര്യത്തില് ഓണ്ലൈന് ക്ലാസുകള് ഈ മാസം അവസാനം വരെ തുടരാനാണ് സാദ്ധ്യത.
