തിരുവനന്തപുരം: ശബരിമലയില് യുവതികള്ക്കു പ്രവേശിക്കാമെന്ന സുപ്രീംകോടതി വിധിക്കു പിന്നാലെ ശബരിമലയില് ദര്ശനം നടത്തിയത് രണ്ട് യുവതികളാണെന്ന് ദേവസ്വം മന്ത്രി കടകംപള്ളി സുരേന്ദ്രന്. നിയമസഭയിലാണ് മന്ത്രി ഇക്കാര്യം വ്യക്തമാക്കിയത്.
ശ്രീലങ്കന് യുവതി ദര്ശനം നടത്തിയതിന് ശബരിമല എക്സിക്യൂട്ടീവ് ഓഫീസറുടെ റിപ്പോര്ട്ട് പ്രകാരം സ്ഥിരീകരണമില്ലെന്നും മന്ത്രി പറഞ്ഞു. എന്നാല് ദര്ശനം നടത്തണമെന്ന് ആവശ്യപ്പെട്ട് എത്തുന്ന യുവതികള്ക്ക് ശബരിമലയില് സുരക്ഷ ഒരുക്കണമെന്ന കാര്യത്തില് സുപ്രീം കോടതിയില് നിന്നും നിര്ദ്ദേശം ലഭിച്ചിട്ടില്ലെന്നും മന്ത്രി കൂട്ടിച്ചേര്ത്തു.