ശബരിമല വിഷയത്തിൽ സി.പിഎമ്മും ബി.ജെ.പിയും ഒന്നും മിണ്ടുന്നില്ലെന്നു പ്രതിപക്ഷ നേതാവ് രമേശ് ചെന്നിത്തല. ഇരുവരും തമ്മിലുള്ള കൂട്ടുകെട്ട് കാരണമാണ് ഈ നിശബ്ദതയെന്നും അദ്ദേഹം പറഞ്ഞു.
വിശ്വാസം സംരക്ഷിക്കാൻ നിയമ നിർമ്മാണം നടത്താൻ ബി.ജെ.പി തയ്യാറാകുമോയെന്നും അദ്ദേഹം ചോദിച്ചു. ശബരിമല വിഷയത്തിൽ സി.പിഎമ്മിന്റേത് ആത്മാർത്ഥത ഇല്ലാത്ത നിലപാടാണ്. തങ്ങൾ അധികാരത്തിലെത്തിയാൽ ശബരിമല വിഷയത്തിൽ നിയമനിർമ്മാണം നടത്തുമെന്നും ചെന്നിത്തല ആവർത്തിച്ചു.