ആപ്പിള്‍ കൊണ്ട് ജ്യൂസ് മാത്രമല്ല ചായയുണ്ടാക്കാന്‍ സാധിക്കും. നല്ല പോഷകഗുണങ്ങള്‍ അടങ്ങിയ ഒന്നാണ് ആപ്പിള്‍ ടീ. വീട്ടില്‍ വളരെ എളുപ്പം ഉണ്ടാക്കാന്‍ പറ്റുന്ന ആപ്പിള്‍ ടീ ദിവസവും കുടിച്ചാലുള്ള ഗുണങ്ങളും നിരവധിയാണ്. ആന്‍റിഓക്സിഡന്‍റുകള്‍, മഗ്നീഷ്യം, വൈറ്റമിന്‍ ബി, സി, ഇ, മഗ്നീഷ്യം, പൊട്ടാസ്യം തുടങ്ങിയവ ധാരാളം ഇതില്‍ അടങ്ങിയിട്ടുണ്ട്. ഇത് പ്രതിരോധശേഷി വര്‍ദ്ധിപ്പിക്കുകയും പ്രോസ്‌റ്റേറ്റ് കാന്‍സര്‍, വാതം എന്നിവയെ ചെറുക്കുകയും ചെയ്യുന്നു. ദഹനസംബന്ധമായ പ്രശ്നങ്ങള്‍ക്ക് ആശ്വാസം ലഭിക്കുകയും ചെയ്യുന്നു. ആപ്പിള്‍ ടീ കുടിയ്ക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കുകയും വരണ്ട ചര്‍മ്മം ഇല്ലാതാക്കാന്‍ സഹായിക്കുകയും ചെയ്യും.
ഗര്‍ഭിണികളും മുലയൂട്ടുന്നവരും ആപ്പിള്‍ ടീ കുടി‌ക്കരുത്. അലര്‍ജിയുള്ളവരും ആപ്പിള്‍ ടീ ഒഴിവാക്കുക. മരുന്നുകള്‍ കഴിക്കുന്നവര്‍ ഡോക്ടറുടെ ഉപദേശം തേടണം. ചില മരുന്നുകളുമായി പ്രവര്‍ത്തിച്ച്‌ പാര്‍ശ്വഫലങ്ങളുണ്ടാക്കാനിടയുണ്ട്.
ആപ്പിള്‍ ടീ തയ്യാറാക്കാവുന്ന വിധം:
ആദ്യം ഒരു ലിറ്റര്‍ വെള്ളം നന്നായി തിളപ്പിക്കുക. മൂന്ന് ആപ്പിള്‍ കഴുകി തൊലി കളയാതെ, കുരുനീക്കി ചെറിയ കഷ്ണങ്ങളാക്കുക. ഇത് തിളയ്ക്കുന്ന വെള്ളത്തില്‍ ചേര്‍ത്ത് വീണ്ടും അഞ്ച് മിനിറ്റു തിളപ്പിച്ച ശേഷം അല്പം ഗ്രാമ്ബൂ, കറുവപ്പട്ട, അല്പം തേയില എന്നിവ ചേര്‍ത്ത ശേഷം വീണ്ടും ഏഴ് മിനിറ്റ് തിളപ്പിക്കുക. ശേഷം അരിച്ചെടുത്ത് ഫ്രിഡ്ജില്‍ വച്ച്‌ ഉപയോഗിക്കാം.
