വന്കരകള്ക്ക് അകലെ എല്ലാം രഹസ്യമാക്കിയാണെങ്കിലും വിരാട് കോഹ്ലി-അനുഷ്ക ശര്മ താരവിവാഹ വിശേഷങ്ങള്ക്ക് കാതോര്ത്ത് ആരാധകലോകം. ഇന്ത്യന് ക്രിക്കറ്റ് നായകെന്റ ജീവിത നായകിയായി ബോളിവുഡ് നടി അനുഷ്ക ശര്മയെത്തുന്ന വിവാഹ ചടങ്ങിന് ഇറ്റാലിയന് നഗരമായ ടസ്കനിലെ ഹെറിറ്റേജ് റിസോര്ട്ടാണ് വേദി. വിവാഹവാര്ത്ത ഇരുവരുടെയും കേന്ദ്രങ്ങള് ആവര്ത്തിച്ച് നിഷേധിക്കുേമ്ബാഴും ഇറ്റലിയില് ഒരുക്കങ്ങള് തകൃതിയാണ്.
ഇരുവരുടെയും കുടുംബാംഗങ്ങള്ക്ക് പുറമെ ബോളിവുഡിലെയും ക്രിക്കറ്റിലെയും പ്രമുഖര്ക്ക് മാത്രമേ ഇറ്റലിയിലേക്ക് ക്ഷണമുള്ളൂ. സചിന് ടെണ്ടുല്കര്, യുവരാജ് സിങ്, ഷാറൂഖ് ഖാന്, ആമിര് ഖാന്, കരണ് ജോഹര്, കത്രീന കൈഫ് തുടങ്ങി എണ്ണപ്പെട്ടവരാണ് ആ വിശിഷ്ടാതിഥികള്. റിസോര്ട്ടിന് ചുറ്റും വന് സുരക്ഷയാണ് ഒരുക്കിയതെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു. പരമ്ബരാഗത പഞ്ചാബി രീതിയിലാവും വിവാഹ ചടങ്ങുകള്. ഭംഗ്ര നര്ത്തകസംഘം വിവാഹ വേദിയിലെത്തിയിട്ടുണ്ട്.
വിവാഹതീയതി വ്യക്തമല്ലെങ്കിലും 12, 15 തീയതികളിലെന്നാണ് സൂചന. ഇന്ത്യന് ടീമംഗങ്ങള്ക്കും ബോളിവുഡ് താരങ്ങള്ക്കുമായി ഡിസംബര് 26ന് മുംബൈയില് വിരുന്ന് സംഘടിപ്പിച്ചിട്ടുണ്ട്.