നടന്‍ ദിലീപ് പ്രതിയായ, നടിയെ ആക്രമിച്ച കേസിന്‍റെ വിചാരണയ്ക്ക് പ്രത്യേക കോടതി വേണമെന്ന ഇരയായ നടിയുടെ ഹര്‍ജിയില്‍ ഹൈക്കോടതി സര്‍ക്കാരിന്‍റെ നിലപാട് തേടി. തൃശൂര്‍ ജില്ലയിലേയ്ക്കു വിചാരണ മാറ്റണമെന്നാണ് ഹര്‍ജിക്കാരിയുടെ ആവശ്യം.
വനിതാ ജഡ്ജി അധ്യക്ഷയായ കോടതിയില്‍ വിചാരണ നടത്തണമെന്നും അവര്‍ ആവശ്യപ്പെടുന്നു. ബുധനാഴ്ച ഹര്‍ജി പരിഗണിച്ചപ്പോള്‍ പ്രത്യേക കോടതി വേണമെന്ന ആവശ്യത്തില്‍ സര്‍ക്കാര്‍ അഭിപ്രായം അറിയിക്കണമെന്ന് കോടതി നിര്‍ദേശിച്ചു.
നേരത്തെ ഈ ആവശ്യമുന്നയിച്ച്‌ നടി നല്‍കിയ ഹര്‍ജി പ്രിന്‍സിപ്പല്‍ സെഷന്‍സ് കോടതി തള്ളിയിരുന്നു. എറണാകുളം ജില്ലയില്‍ വനിതാ ജഡ്ജിമാരില്ലെന്ന വസ്തുത പരിഗണിച്ചാണ് പ്രിന്‍സിപ്പല്‍ സെഷന്‍സ് കോടതി ഹര്‍ജി തള്ളിയത്.
