സംസ്ഥാനത്ത് ഇന്നും വിവിധ ഇടങ്ങളില് ഒറ്റപ്പെട്ട മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. വടക്കന് ജില്ലകളില് മഴ ശക്തമാകും. അഞ്ചു ജില്ലകളില് ഇന്ന് അതിശക്ത മഴ മുന്നറിയിപ്പുണ്ട്. കാസര്കോട്, കണ്ണൂര്, വയനാട്, കോഴിക്കോട്, മലപ്പുറം ജില്ലകളില് യെല്ലോ അലര്ട്ടാണ് കാലാവസ്ഥ വകുപ്പ് പുറപ്പെടുവിച്ചിരിക്കുന്നത്.അടുത്ത ഏഴ് ദിവസം വ്യാപകമഴക്ക് സാധ്യതയുണ്ടെന്നും മുന്നറിയിപ്പുണ്ട്.
മണിക്കൂറില് 40 കിലോമീറ്ററില് താഴെ വരെ വേഗതയില് വീശിയേക്കാവുന്ന ശക്തമായ കാറ്റിനും, ഇടിമിന്നലിനും സാധ്യതയുണ്ട്. വടക്ക് കിഴക്കന് അറബിക്കടലിനും പാകിസ്ഥാന് തീരത്തിനും മുകളിലായി ‘അസ്ന’ ചുഴലിക്കാറ്റ് സ്ഥിതിചെയ്യുന്നു.ഇന്ത്യന് തീരത്ത് നിന്ന് അകന്ന് പോകുന്ന അസ്ന’ ഇന്നു രാവിലെ വരെ ചുഴലിക്കാറ്റായി തുടരും.
