ന്യൂഡല്ഹി: രാജ്യസഭയില് എംപിമാരുടെ മൈക്കുകളില് നിന്ന് പുക ഉയര്ന്നു. ഇതേതുടര്ന്നു സഭ 15 മിനിറ്റ് നേരത്തേക്കു നിര്ത്തിവച്ചു.നാലാം നിരയിലെ തന്റെ സീറ്റില്നിന്നു പുക ഉയരുന്നതായി മുന് മന്ത്രി അല്ഫോന്സ് കണ്ണന്താനമാണ് ആദ്യം പരാതിപ്പെട്ടത്. ഇതിനു പിന്നാലെ ബിജെപി എംപിമാരായ ശിവ്പ്രതാപ് ശുക്ല, പുരുഷോത്തം രുപാല എന്നിവരുടെ മൈക്കുകളില്നിന്നും പുക ഉയര്ന്നു. ഇതേതുടര്ന്നു രാജ്യസഭ 15 മിനിറ്റ് നിര്ത്തിവച്ചതായി അധ്യക്ഷന് അറിയിച്ചു.
ഉപരാഷ്ട്രപതി വെങ്കയ്യ നായിഡുവിന്റെ നിര്ദേശപ്രകാരം ഉദ്യോഗസ്ഥരെത്തി പുക ഉയരുന്നതു സംബന്ധിച്ചു പരിശോധന നടത്തി. ഷോര്ട്ട് സര്ക്യൂട്ടാണ് പുക ഉയരാന് കാരണമെന്നാണു പ്രാഥമിക വിവരം.
